Aktiviteti i fabrikave në Eurozonë – Dështon të rimëkëmbet. Gjermania, në tkurrje për 5 muaj radhazi
Rimëkëmbja e aktivitetit të firmave në Eurozonë këtë muaj ishte më e ulët se sa pritej, ndërkohë që tkurrja e manifakturës po pengon firmat e shërbimeve. Muajin e kaluar, presidenti i Bankës Qendrore Europiane, Mario Draghi, foli për mbështetje monetare për ekonominë e Eurozonës nëse ngadalësimi vazhdon.
Sipas indeksit PMI, që formulohet nëpërmjet sondazheve drejt sektorit privat, rimëkëmbja e aktivitetit të fabrikave ka qenë tejet modeste. Të dhënat më herët gjatë muajit për Gjermaninë, treguan se aktiviteti ishte tkurrur për të 5-in muaj radhazi gjatë Majit, duke reflektuar ndikimin e luftës tregtare në ekonominë më të madhe të Europës.
Humori i bizneseve në Gjermani, u përkeqësua më shumë se sa pritej këtë muaj, kryesisht prej rënies së besimit te sektori i shërbimit, sipas sondazhit të Ifo. Në Francë, ekonomia e dytë me e madhe, aktiviteti arriti nivelin më të lartë në 6 muaj, por, konfliktet tregtare pritet të limitojnë rritjen në muajt e ardhshëm.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.