Aktorët gjermanë kryesojnë fushatën kundër qeverisë së AfD në ‘Görliwood’

Aktorët gjermanë dhe producentët e Hollivudit po udhëheqin një fushatë në Görlitz, e njohur edhe si “Görliwood”, për të dobësuar mbështetjen e së djathtës Alternativa e Largët për Gjermaninë (AfD) në zgjedhjet për krye bashkiakun javën e ardhshme. I vendosur në kufirin me Poloninë, qyteti piktoresk ka shërbyer si sfond për prodhimet e mëdha të Hollivudit, si “Inglorious Bastards” dhe “The Grand Budapest Hotel”. Megjithatë, qyteti tani përballet me mundësinë për t’u bërë qyteti i parë në Gjermani me një krye bashkiak të AfD-së. Kandidati i tyre Sebastian Wippel fitoi balotazhin e parë në fund të majit me 36.4% të votave.

Të shqetësuar nga një qeveri e mundshme AfD, aktorët dhe producentët e Hollivudit po mobilizohen për të parandaluar AfD-në që të marrë pushtetin. Aktorët gjermanë Daniel Brühl dhe Jana Pallaske, të cilët luajtën tek “Inglorious Bastards”, Burghart Klaußner, Volker Bruch dhe autorët Daniel Kehlmann dhe Bernhard Schlink, romani i të cilit “Der Vorleser” u filmua gjithashtu në Görlitz, nënshkruan një peticion që u bën thirrje njerëzve “për të mos lejuar që armiqësia dhe hostiliteti të marri përparësi”.

De Normier paralajmëroi se një fitore zgjedhore për AfD-në mund të ketë një ndikim të madh: “Nëse krijohet përshtypja se shumica në qytet është ksenofobike, kjo perceptohet në mbarë botën dhe me siguri do të ketë pasoja”.  AfD ka reaguar ndaj fushatës: “Thirrjet si kjo janë pjesë e një demokracie të gjallë,” tha kandidati Wippel. “Unë mund ta trajtoj atë me qetësi, sepse Görlitzer-i ynë mund të vlerësojë më mirë kushtet lokale dhe nuk ka nevojë për këshilla nga jashtë”. Görlitz do të mbetet qytet europian. Titulli është dhënë nga vetë qytetet. Vendi ndoshta do të funksionojë si barometër i humorit për të gjithë rajonin e Saksonisë, me 1 shtator do të zhvillohen zgjedhjet shtetërore. Në sondazhet, AfD është shumë afër partisë në pushtet të CDU.

Burimi: Euronews

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.