AKU gjobit me 2.9 milion lekë dhe ndërpret aktivitetin e 3 subjekteve në Tiranë dhe Fier

Drejtoritë Rajonale të AKU, qarku Tiranë dhe Fier ushtruan kontrolle në 3 subjekte, me aktivitet “Pastiçeri”, “Minimarket ushqimor” dhe “Njësi prodhimi dhe tregtimi buke, prodhime brumi dhe pastiçerie”.

Sipas AKU-së nga kontrollet e kryera u konstatua ushtrim aktiviteti i palicencuar, kushte të papërshtatshme higjeno-sanitare, mangësi në dokumentacion, veprim në kundërshtim me përgjegjësitë e operatorit të biznesit, tregtim i produkteve me afat përdorimi të kaluar, si dhe etiketim i parregullt i produkteve.

Për shkeljet e konstatuara AKU mori masat administrative si në vijim:

“9 masa administrative “Gjobë” me vlerën totale 2,900,000 lekë për 3 subjektet, “Bllokim i produkteve” të pasigurta për konsum human për 1 subjekt, si dhe “Ndërprerje e menjëhershme e aktiviteti” për 2 subjekte.”

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.