AKU kontrolle edhe në Fast Food-e – Bllokon subjektin në Shëngjin, kryente aktivitet në kushte të këqija higjieno-sanitare

Kontrollet e Autoritetit Kombëtar të Ushqimit në kuadër të masave për mbarëvajtjen e sezonit turistik nuk kanë kursyer as Fast Food-et. AKU ka konstatuar së fundmi një subjekt ‘Fast Food’ në Shëngjin që kryente aktivitetin në shkelje të kushteve higjieno-sanitare. Po ashtu, sipas AKU-së produktet ushqimore ishin me mungesë të fletë-analizës, certifikatave dhe etiketave.

Trupa inspektuese e DRAKU Lezhë vendosi masat administrative me gjobë 350 mijë lekë për kushtet higjieno-sanitare, 100 mijë lekë për mungesë të gjurmueshmërisë, 50 mijë lekë për mungesë etiketimi si dhe bllokim të menjëhershëm të ushqimit të aktivitetit deri në plotësimin e kushteve ligjore në fuqi.

Ndërkohë, AKU font të gjithë qytetarët që të denoncojnë çdo rast therjeje apo tregtimi jashtë standardeve me qëllim parandalimin e çdo tentative abuzimi.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.