AKU kthen në vendin e origjinës 800 litra Produkt të Mbrojtjes së Bimëve – Ndalon importin në Shqipëri
Si rezultat i kontrolleve të vazhdueshme ndaj çdo tentative abuzimi me produktet ushqimore apo produktet e mbrojtjes së bimëve dhe inputeve bujqësore, Drejtoria Rajonale e AKU Shkodër në piken e kalimit kufitar Hani i Hotit ka konstatuar 800 litra Produkt i Mbrojtjes së Bimëve, Tilt 250 EC, me origjinë nga Gjermania me destinacion Shqipërinë.
Sipas verifikimeve të kryera u konkludua se ky produkt është importuar në vendin tonë në kundërshtim me kërkesat ligjore, pasi nuk nuk bën pjesë në listën e miratuar nga Ministria e Bujqësisë dhe Zhvillimit Rural për Produktet e Mbrojtjes së Bimëve që lejohen të importohen në Republikën e Shqipërisë.
Nisur nga gjetjet e konstatuara nga Inspektorët e Autoritetit Kombëtar të Ushqimit u vendos që sasia prej 800 litra Produkt për Mbrojtjen e Bimëve të bllokohej me qëllim kthimin në vendin e origjinës.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.