AKU shton ndëshkimet për ata që nuk respektojnë protokollet – 24 masa administrative dhe rreth 800 kontrolle në të gjithë vendin

Trupat inspektuese të Autoritetit Kombëtar të Ushqimit kanë realizuar gjatë 24 orëve të fundit 770 inspektime dhe monitorime edhe si pjesë e Task-Forcës Anti Covid.

Sipas njoftimit, gjatë kontrolleve zyrtare për garantimin e sigurisë ushqimore në operatorë të biznesit janë dhënë 24 masa me paralajmërim përgjithësisht për rinovim të librezave shëndetësore, rinovim të analizave të ujit dhe planit DDD.

AKU bën me dije se referuar Planit të Marrjes së Mostrave janë marrë 28  mostra në monitorim të qumështit dhe në analizim të fruta-perimeve për mbetje të pesticideve si dhe si pjesë e Task-Forcës po vijon me monitorimet në të gjitha kategoritë e bizneseve për zbatim të protokolleve të sigurisë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.