Akulli i detit Arktik nuk po ngrin në tetor për herë të parë të regjistruar ndonjëherë
Për herë të parë që kur filluan regjistrimet, shtresa kryesore e akullit të detit Arktik në Siberi ende nuk ka filluar të ngrijë në fund të tetorit.
Ngrirja e vonuar vjetore në Detin Laptev është shkaktuar nga ngrohtësia e tejskajshme e zgjatur në Rusinë veriore dhe ndërhyrja e ujërave të Atlantikut, thonë shkencëtarët e klimës që paralajmërojnë për efektet e mundshme goditëse në të gjithë rajonin polar.
Temperaturat e oqeanit në zonë u ngjitën kohët e fundit në më shumë se 5C mbi mesataren, pas një vale nxehtësie rekord dhe rënies jashtëzakonisht të hershme të akullit të detit dimrin e kaluar.
Shkencëtari i klimës Lars Kaleschke nga Instituti Alfred Wegener në Gjermani tha “Këtë vit, pas verës së ngrohtë, ne shohim se [sasia] e akullit është e dyta më e ulëta e regjistruar. Ne shohim një ngrirje të vonuar të kësaj zone dhe ka aktualisht 4 milion kilometra katrorë më pak akull deti sesa pritej zakonisht krahasuar me vitet 1980. Kjo pjesë që mungon është dhjetë herë më e madhe se sa e tërë Gjermania”. (Euronews)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.