Alarm për “ pandeminë” e radhës/ Sektorët më të prekur të ekonomisë nga thatësira
Raporti special mbi thatësirën për vitin 2021 jep alarmin se pas një viti të vështirë prej pandemisë së Covid- 19, globi do të përballet me një tjetër “ pandemi” që vjen si pasojë e thatësirës , të shkaktuar nga ndryshimet klimaterike.
Sipas raportit nëse nuk merren masa të menjëhershme në menaxhimin e ujit dhe tokës , kostoja mund të jetë e lartë dhe katastrofike.
Reth 1.5 miliardë njerëz janë prekur drejtëpërdrejtë nga thatësira vetëm gjatë këtij shekulli dhe kostoja ekonomike llogaritet të jetë 124 miliardë dollarë dhe ka të ngjarë që të dyfishohet sipas të dhënave të botuara në raport.
“Thatësira është në prag të shndërrimit në pandeminë e radhës dhe nuk ka vaksinë për ta kuruar atë. Pjesa më e madhe e botës do të jetojë me stresin e mugesës së ujit në vitet e ardhshme. Kërkesa do të tejkalojë furnizimin gjatë periudhave të caktuara. Thatësira është një faktor kryesor në degradimin e tokës dhe rënien e rendimenteve për kulturat kryesore. “, ka thënë Mami Mizutori, përfaqësuese e KB.
Ajo shtoi ndër të tjera se jo vetëm Afrika ka probleme me thatësirën por se ajo është e përhapur kudo dhe se nëse nuk veprohet për ta mbajtur në kontroll pasojat pritet të jenë akoma më të rënda.
Edhe vendet e zhvilluara janë të prekura nga thatësira, kështu Shtetet e Bashkuara të Amerikës vlerësohet të kenë një humbje vjetore rreth 6 miliardë dollarë dhe vendet e Bashkimit Evropian rreth 7. 7 miliardë dollarë.
Roger Puwarty, shkencëtar ka vënë në dukje se janë shumë fusha të ekonomisë që ndikohen nga thatësira si bujqësia, transorti, turizmi,industria dhe lëndët e para, duke përmendur ndikimin që ka pasur thatësira në këto sektore në Danub, duke shkaktuar ulje të prodhimit.
Mizutori u bëri thirrje qeverive që të ndërmarrin veprime për të ndihmuar në parandalimin e thatësirës duke reformuar dhe rregulluar mënyrën se si nxirret, ruhet dhe përdoret uji dhe si menaxhohet toka.
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.