Alarm për Shqipërinë – Dieta dhe zakonet mesdhetare, kërcënimi i ri për obezitetin te fëmijët
Kongresi europian për obezitetin, i mbajtur këtë javë në Glasgow, tregon disa fakte tronditëse.
Studimi i prezantuar gjatë punimeve të Kongresit mbi obezitetin te të miturit, tregon se në Europë, vendet më të prekura janë ato me dietën e mesdhetare, duke hedhur kështu poshtë një mit. Sipas kërkuesve, arrat, perimet, peshku, vaji i ullirit apo edhe gruri mund të jenë faktorët kryesorë të kësaj situate. Vende is Greqia, Italia apo Spanja, norma e obezitetit te fëmijët shkon në më shumë se 4%.
Përjashtim ndër vendet mesdhetare bën, Shqipëria, vend i cili ka ndër përqindjet më të ulëta, në vetëm 1.2%, së bashku me Moldavinë, në 1%. Shqipëria dhe Moldavia janë vendet me përqindjen më të ulët të obezitetit te fëmijët ndër vendet e Europës qendrore, dhe jugore. Në studim përjashtohen vetëm disa vende europiane, si Franca, Gjermania apo Britania e Madhe.
Pavarësisht se rezulton ndër performueset më të mira, studiuesit ngrenë alarmin për Shqipërinë. Pa ndërhyrje, e njëjta gjë do të ndodhë edhe në vende me dietë dhe zakone mesdhetare, si në Shqipëri apo Moldavi, thotë studimi. Të dhënat i referohen vetëm obezitetit të rëndë. Kështu, në Europë, Moldavia, Shqipëria dhe Suedia kanë normat më të ulëta me 1% deri në 1.2%, ndërkohë që Malta ka normën më të lartë, me 5.5% të obezitetiit të rëndë te fëmijët.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.