Alarmi në SHBA / Vetëm gjysma e amerikanëve kanë një punë!

Një tjetër statistikë tregon për shkallën alarmante të papunësisë që amerikanët po përjetojnë.

Banka Federale e Rezervave të Shën Luigjit raporton se vetëm 52.8% e popullsisë e aftë për punë, ka në të vërtetë një punë në këto momente. Ky raport i punësimit ndaj popullsisë, është niveli më i ulët i regjistruar ndonjëherë që kur banka filloi mbledhjen e të dhënave në 1948.

Për ata që janë në moshë pune kryesore, ose midis 25 dhe 54 vjeç, raporti është 71.4%, më i ulëti që nga viti 1977.

Pandemia e koronavirusit fshiu miliona punë ndërsa amerikanët qëndrojnë në shtëpi ose kufizojnë tubimet sociale për të parandaluar përhapjen e virusit. Departamenti i Punës vlerëson se janë paraqitur 47 milion kërkesa për papunësi në 14 javët e fundit.

Mikpritja dhe sektorët e udhëtimit janë goditur veçanërisht nga papunësia: 8 milion punëtorë të restoranteve janë pushuar nga puna, dhe ekspertët parashikojnë që 50% e të gjitha punëve në hotele mund të eliminohen deri në fund të pandemisë.

D.B – SCAN
Burimi: Business Insider

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.