Aleanca Kinë-Britani/Mbretëria në kërkim të një partneri të ri pas Brexit

Kina kërkon të thellojë bashkëpunimin financiar dhe linjat e investimit me Mbretërinë e bashkuar, tashmë që vendi po i drejtohet ndarjes formale me Bashkimin Europian.

Diçka e tillë i shkon për shtat edhe vetë Mbretërisë që kërkon një shtysë tregtare pas daljes nga unioni, sidomos me partnerët jashtë familjes europiane.

Diçka të tillë e konfirmoi së fundmi vetë zv.Kryeministri i Kinës, Ma Kai. Këto deklarata u bënë gjatë dialogut të 9-të të financave dhe ekonomisë mes Kinës dhe Mbretërisë së Bashkuar.

Numri dy i ekzekutivit kinez po zhvillon negociata edhe kreun britanik të thesarit, Philipp Hammond, dhe në fokus është marrëveshja e tregtisë për një vlerë prej 1.3 miliardë dollarë.

Si Britania edhe Kina kërkojnë që të nxisin marrëdhëniet tregtare mes dy vendeve duke rritur ndjeshëm vëllimin e import-eksportit.

Roel Korkuti/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.