Aleatët dërgojnë ndihma për Kubën! Meksika, Rusia, Vietnami dhe Bolivia mijëra ton ushqime për vendin në krizë
Kuba këtë javë mori dërgesa të ushqimit dhe furnizimeve mjekësore nga aleatët Meksika, Rusia, Vietnami dhe Bolivia në një përpjekje për të lehtësuar mungesat dhe pakënaqësinë mes krizës më të keqe ekonomike të ishullit në dekada dhe një rritje të rasteve të koronavirusit.
Donacionet, të cilat autoritetet filluan t’i shpërndajnë, vijnë gati tre javë pasi shpërthyen protesta të papara ndonjëherë në mbarë vendin, të nxitura nga kushtet e rënda ekonomike dhe frenimin e të drejtave të njeriut.
Kuba akuzon për trazirat mercenarët e mbështetur nga Shtetet e Bashkuara që shfrytëzojnë vështirësitë, që janë shkaktuar kryesisht nga sanksionet amerikane prej dekadash dhe maskimi i përpjekjeve për trazira përmes fushatës #SOSCuba që bën thirrje për ndihmë humanitare.
Tani Kuba po merr donacione me ndihmën e aleatëve të saj, që kanë fajësuar gjithashtu embargon tregtare amerikane si shkaktare për shumicën e problemeve të Kubës. Së fundmi, një anije e marinës meksikane e ngarkuar me 1.000 ton fasule, si dhe pajisje mjekësore dhe oksigjen për pacientët me COVID-19, mbërriti në vend, i cili aktualisht ka një nga nivelet më të larta të infeksionit për frymë në botë.
Dy anije të tjera do të mbërrijnë së shpejti, tha Ministrja e Tregtisë së Brendshme.
Ricardo Torres, një ekonomist në Qendrën për Studimin e Ekonomisë Kubane me bazë në Havana, llogariti, se dhurimi i premtuar i Vietnamit prej rreth 12,000 ton oriz do të thotë rreth 2 paund për çdo shtetas kuban.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.