ALSE me tituj korporativ brenda 2020-ës – Gjergji: Autoritet po punojnë për identifikimin e kompanive shtetërore që mund të listohen

Artan Gjergji, drejtori ekzekutiv i Albanian Stock Exchange (ALSE), në një intervsitë për “Seenews”, deklaron se, brenda fundit të këtij viti do të listohen titujt e parë koorporativ në bursën shqiptare. ALSE ka bërë disa ndryshime në rregullat për të lejuar tregtuesit të operojnë me tituj nëpërmjet ofertave private, me shpresën se kjo mundësi do t`i ofrohet publikut prej muajve të vjeshtës, në pritje të aprovimit nga autoritetet rregulluese në vendin tonë, deklaron Gjergji për median rajonale.

“Ne e shohim platformën e re si një hap përpara drejt tërheqjes së më shumë investitorëve, ndërtimit të besimit, rritjes së ndërgjegjësimit si dhe rritjes së transparencës”-shton ai. “Me shpresë, në vjeshtë, arkitektura e plotë që mbulon shërbimet post-tregtimit të titujve të brendshëm në treg do të  jetë aktive”-nënvizon Gjergji.

Ndër të tjera ai shton se Ministria e Financave po punon me Autoritetin e Mbikqyrjes Financiare (AMF) për të identifikuar kompanitë shtetërore me një bilanc të pastër të cilat përmbushin kriteret që të mund të listohen në bursë. Vetë ALSE ka identifikuar disa kompoani të tilla në vend. Në intervistën për Seenews, Gjergji sqaron gjithashtu se, bashkëpunimi rajonal është në krye të listës së prioriteteve të ALSE.

Roel Korkuti / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.