Amazon hyn në treg të ri – Teston dërgesat vetë, “Fedex” dhe “UPS” “zhyten” në bursë
Amazon ka filluar të testojë programin pilot për të kryer vetë dërgesat drejt klientëve. Kjo ka bërë që aksionet e kompanive të dërgesave, si Fedex dhe UPS të bien ndjeshëm.
Programi “shipping with amazon” ka filluar testimet në Los Angeles dhe shumë shpejt do të përhapet edhe në vende të tjera, deklarojnë burime brenda kompanisë.
Kompanitë që deri më tani janë rritur falë e-commerce, i tremben faktit se Amazon do t`i hyjë tregut të dërgesave. Një gjigand i tillë si Amazon do të mund të mbyste të gjithë rivalët nëse do të vendoste ta bënte dicka të tillë. Fedex dhe UPS humbën më shumë se 4% që në orët e para pas lajmit.
Ekspertët dhe analistët e tregut shprehen se në rast se do të bëjë diçka të tillë si hyrja në këtë treg të ri, Amazon do të duhet të investonte plot 100 miliardë dollarë në mënyrë që të ishte e konkurrueshme.
Gjithsesi, të paktën për momentin, gjigandi i e-commerce synon vetëm që të lehtësojë dërgesat drejt klientëve, duke i kryer vetë dërgesat.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.