Amazon ka gjetur serialin që do ta bëjë të suksesshëm si “Game of Thrones”
Studiot e Amazon janë duke kërkuar prej kohësh një mënyrë për të përsëritur suksesin e HBO me serialin “Game of Thrones”, por tani duket se kompani mund të ketë gjetur zgjidhjen: përshtatjen e Zotit të Unazave në një serial televiziv.
Media në Hollywood raportojnë se kompania është në bisedime me Warner Bros. Megjithëse thuhet se diskutimet janë në fazat e para, qartësisht bëhet fjalë për një çështje të rëndësisë së lartë, pasi në negociata është përfshirë vetë CEO i Amazon, Jeff Bezos, njeriut më të pasur në botë.
Amazon duket se nuk është e vetmja që po kërkon vetëm të drejtat e librave, pasi për to interesohet edhe Netflix dhe HBO. Një marrëveshje pritet të arrihet në vlerat 200-250 milionë dollarë, por kjo mund të mos përfshijë të drejtat për të gjithë personazhet, ndaj dhe HBO është tërhequr.
Studiot Amazon gjenden tashmë në mes të një periudhe tranzicioni. Në fillim të vitit Bezos i kërkoi drejtuesve të studios të gjejnë seriale me profil të lartë, të cilat mund të kenë apel botëror. Ndërsa muajin e kaluar, shefi ekzekutiv Roy Price dha dorëheqjen pas akuzave për ngacmim seksual.
Nëse detyra është pikërisht gjetja e “Game of Thrones” të radhë, asnjë krijim tjetër nuk është më i përshtatshëm se sa “Lord of the Rings”, i cili tregon historinë e Frodo Bagginns, një hobit i ri i cili duhet të shkatërrojë një unazë për të shpëtuar botën.
Librat janë përshtatur në filma disa herë përgjatë viteve dhe kanë rezultuar të suksesshëm me fansat, por dhe nga ana financiare.
Një projekt i tillë do t’i sillte vëmendje të madhe Amazon, e cila ndryshe nga Netflix dhe Hulu nuk ka mundur ende të prodhojë një serial me shtrirje të gjerë kulturore siç ka bërë Netflix me “Stranger Things”.
Por duhet mbajtur parasysh se teksa “Zoti i Unaza” i përmbush aspektet e fantazisë dhe aventurës njëlloj si “Game of Thrones”, librat nuk janë të mbushur me akte dhune apo seksuale si shfaqja e HBO. Nga ana tjetër, ai ka një avantazh, se librat janë të përfunduar, çka do të lehtësonte aspektin e prodhimin dhe shkrimit së skenarit.
A.H./SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.