Amazon merr patentën amerikane për dronët shpërndarës në fushën e mbikëqyrjes

Amazon.com Inc është duke eksploruar përdorimin e dronëve jo vetëm për të shpërndarë paketa por edhe për të siguruar mbikëqyrjen si një shërbim për klientët e saj, falë një patente të dhënë nga Zyra e Patentave dhe Markave të Shteteve të Bashkuara të Amerikës.

Dronët e shpërndarjes mund të përdoren për të regjistruar videon e pronës me pëlqimin e përdoruesit për të mbledhur të dhëna që mund të analizohen për mbikëqyrje, për shembull në rastet e një dritareje të thyer ose një zjarri ose nëse dera e garazhit ishte lënë hapur gjatë ditës. Sipas patentës, funksioni i mbikëqyrjes së dronit mund të kufizohet përmes gjeo-rrethimit, një teknologji e përdorur për të nxjerrë një kufi virtual rreth pronës nën mbikëqyrje. Çdo imazh ose të dhëna që droni kap jashtë perimetrit në studim do të errësohet ose hiqet.

Aplikacioni për patentë është paraqitur nga gjigandi i tregtisë elektronike në vitin 2015 dhe është dhënë më 4 qershor. Në fillim të muajit, Amazon tha se do të fillojë shpërndarjen e paketave me dronë për klientët në 30 minuta ose më pak, në muajt e ardhshëm.

Burimi: Reuters

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.