Amazon “rekruton” të pakënaqurit e Tesla – Musk urdhëroi të gjithë që të kthehen në zyra duke ndaluar punën nga shtëpia

Punonjësit e Tesla-s mund të mos kenë nevojë të kthehen në zyrë në fund të fundit – nëse janë të gatshëm të largohen. Disa rekrutues në sektorin e teknologjisë u bënë thirrje punonjësve të Elon Musk të cilët nuk duan të zbatojnë urdhërin e tij për rikthimin në vendet e punës. Në thelb të cështjes është vendimi i Musk për ndalimin e punës nga shtëpia duke pretenduar minimalisht 40 orë në javë prezencë fizike

Në mesazhin e rekrutimit shkruhej ndër të tjera se nëse atyre nuk i pëlqente më të ishin të komanduar nga Elon Musk, në Amazon do të gjenin një shtëpi të lumtur që i respekton njerëzit, kohën e lirë dhe profesionin. të respekton ty, kohën dhe profesionin tënd. Ne do t’ju gjejmë një ekip që ju trajton me dinjitet. Në fund të vitit 2021 Amazon njoftoi se do t’i lejonte punonjësit e korporatave të punojnë nga shtëpia për një kohë të pacaktuar. Ajo është një nga disa kompani të sektorit të teknologjisë që ka bërë kalimin nga një mjedis pune i përqendruar në zyrë në një fuqi punëtore më të shpërndarë. Kompania ka përqafuar një mjedis pune hibrid. Muajin e kaluar, Microsoft njoftoi se punëtorët do të lejohen të punojnë nga distanca mbi 50% të kohës për sa kohë të miratohet nga menaxherët e tyre.

Nga ana tjetër Musk justifikon vendimin e tij për të rikthyer punëtorët në zyrë, duke thënë se ultimatumi i tij është pjesë e një përpjekjeje për të promovuar barazinë midis punëtorëve të fabrikës – të cilëve u është kërkuar të qëndrojnë në vendet e tyre të punës gjatë gjithë pandemisë – dhe drejtuesve. Qëndrimi i Musk për punën në distancë mund të pengojë përpjekjet për rekrutimin në Tesla dhe SpaceX.

Në mars, një sondazh me 3.019 punonjës i kryer nga Blind, një aplikacion anonim i komunitetit të punonjësve, zbuloi se 64% e punëtorëve, përfshirë Amazon, Microsoft dhe Google, preferojnë të punojnë nga shtëpia sesa të marrin një rritje page prej 30 mijë dollarësh.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.