Ambasada e SHBA, përsëri me drejtësinë – “Reforma e dhimbshme, por populli shqiptar foli: duhet të ecë përpara, pa u çorientuar”
Pas disa deklaratash të Ambasadores Juri Kim javës së shkuar, Përfaqësia Diplomatike e Shteteve të Bashkuara në Tiranë, ka përsëritur të martën përkushtimin e plotë për të çuar përpara reformën në drejtësi. Reforma është e dhimbshme, e ngadaltë dhe e papërsosur por është e nevojshme, shkruhet në faqen e Ambasadës.
Reforma në drejtësi po ecën përpara dhe duhet të vazhdojë, në mënyrë që Shqipëria të bëhet anëtare e plotë e familjes europiane. E gjithë Ambasada e Shteteve të Bashkuara të Amerikës do të vijojë të mbështesë synimin e popullit shqiptar. Ne nuk duhet të humbasim përqëndrimin, ne nuk duhet të çorientohemi – synimi është i qartë, populli shqiptar foli dhe reforma në drejtësi duhet të ecë përpara, hap pas hapi, thekson në deklaratë Ambasada Amerikane.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.