Ambasadori i BE-së, Soreca: Tërmeti, kemi krijuar mekanizimin me ekspertë të huaj në Shqipëri
Ambasadori i BE, Luigi Soreca ka mbajtur një konferencë shtypi në lidhje me situatën e krijuar nga tërmeti në vendin tonë së bashku me ministren e Mbrojtjes Olta Xhaçka.
“Shqipëria nuk është afër vetëm në aspektin gjeografik por edhe në zemrat tona”, është shprehur Soreca. “Inxhinieret e Bashkimit Europian janë këtu për vlerësimin e ndërtesave, kemi krijuar mekanizmin për të nisur ekspertë në Shqipëri të cilët kanë ardhur nga shumë vende të BE-së” tha Soreca.
Ambasadori falënderoi shtete e tjera që kanë sjellë specialistët e shpëtim kërkimit si ndihma e parë që kishte nevojë Shqipëria pas tërmetit.
“Jemi munduar të menaxhojmë infrastrukturën e përgjithshme në këtë situatë e cila do të ketë edhe një ekspertizë ndërkombëtare. Jemi mirënjohës për gjithë shtetet që kanë ndihmuar Shqipërinë. Të jemi të gjithë së bashku edhe në këtë situatë. Solidariteti është i rëndësishëm nga të gjithë kudo që ndodhen. E rëndësishme është stabilizimi i kësaj situate”, ka thënë Soreca në konferencë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.