Ambasadori Lu: Zgjedhjet janë një festë për demokracinë! Bëjeni zërin tuaj të dëgjohet, votoni! Ekipet që vëzhgojnë këto zgjedhje
Ambasadori i SHBA, Donald Lu në një postim në rrjetin social “Facebook” iu ka shprehur urimet shqiptarëve, teksa ushtrojnë të drejtën e tyre themelore për të votuar. Lu u shpreh në këtë postim se janë 34 ekipe të Ambasadës së Shteteve të Bashkuara, të cilët do të vëzhgojnë votimin dhe numërimin në të gjithë vendin. Ndërkohë po sipas tij, USAID do të mbështesë edhe 540 ekipe të tjera vëzhguese vendore të shoqërisë civile kudo në Shqipëri.
“Urimet më të mira për shqiptarët sot, teksa ushtrojnë të drejtën e tyre themelore demokratike për të votuar. Ne kemi nderin të kemi 34 ekipe të Ambasadës së Shteteve të Bashkuara, të cilët do të vëzhgojnë votimin dhe numërimin në të gjithë vendin. USAID do të mbështesë edhe 540 ekipe të tjera vëzhguese vendore të shoqërisë civile kudo në Shqipëri. Zgjedhjet janë një festë për demokracinë! Bëjeni zërin tuaj të dëgjohet! Votoni!”, shkruan Ambasadori i SHBA Donald Lu.
Osman Dedja/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.