Ambasadori i Zvicrës në Shqipëri, Christof Graf: 100 milionë franga për sistemin shëndetësor dhe arsimin profesional në 4 vitet e ardhshme

Ambasadori i Zvicrës në Shqipëri, Christof Graf, i ftuar në emisionin PASSPORT, të gazetarit Arbër Hitaj, flet për raportet ekonomiko-politike që janë mes Shqipërisë dhe Zvicrës.

Z.Graf, thotë se investimet zvicerane për 4 vitet që vijnë do të jenë 100 milion franga, në sistemin shëndetësor, arsimin profesional etj. Mes të tjerash zoti Graf, thotë se Zvicra është gati të japë ndihmë për rehabilitimin e termocentralit të Vlorës i cili nuk është funksional.

Në lidhje me reformën në drejtësi, z. Graf thotë se është shumë e rëndësishme që të zbatohet, me qëllim që në pranverë të hapen edhe negociatat me BE-në. Zoti Graf vlerëson komunitetin shqiptar në Zvicrës dhe thekson se numri i tyre shkon në rreth 300-400 mijë vetë dhe kjo ka bërë që gjuha shqipe të jetë e 4-ta.

Sa i përket shkëmbimeve tregtare ambasadori thekson se ato janë të ulëta dhe duhet bërë më shumë në këtë aspekt, pasi në Shqipëri janë vetëm 30 kompani zvicerane.

Arbër Hitaj/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.