Ambasadorja e SHBA, në Shqipëri, mban fjalimin e parë/ Yuri Kim ”Jam gati t’i përvishem punës!”

Ambasadorja e Shteteve të Bashkuara të Amerikës, në Shqipëri, Yuri Kim në ditën e saj të parë të punës në ambasadë ka folur në cilësinë e kryediplomates.

Siç njofton ambasada, Kim tha se ndihet e nderuar që është në Shqipëri dhe është e gatshme t’i përvishet punës.

“Ndihem e nderuar dhe shumë e kënaqur që jam në Shqipëri dhe jam gati t’i përvishem punës”, është shprehur Ambasadorja e Shteteve të Bashkuara të Amerikës Yuri Kim në ditën e saj të parë në Ambasadë”, shkruan ambasada amerikane.

Ambasadorja Yuri Kim e nisi mesazhin e parë me marrëdhëniet e ngushta dhe të vjetra mes Shteteve të Bashkuara dhe Shqipërisë, duke thënë se 100 vite më parë, presidenti amerikan ngriti zërin për Shqipërinë, kur askush nuk e bëri.

“Sot i paraqita letrat kredenciale presidentit dhe patëm një bisedë shumë të mirë me të. Që të dy theksuam përkushtimin që ndajmë, përforcimin e marrëdhënieve mes dy vende.

Jam e nderuar që Trump e Pompeo më besuan këtë detyrë.’’- ka theksuar ndër të tjera ambasadorja.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.