Ambasadorja e SHBA thirrje qytetarëve amerikanë që jetojnë në Shqipëri/ ”Kush do të ikë, nesër është avioni i fundit!”
Pandemia e Covid-19 është përhapur në të gjithë botën duke sjellë dhe kufizime masive në qarkullimin e qytetarëve. Të gjitha shtetet, janë duke marrë masa për të rikthyer në atdhe qytetarët e tyre. Lidhur me këtë gjendje ka reaguar dhe ambasadorja e Shteteve të Bashkuara të Amerikës në Tiranë, Yuri Kim, me një mesazh drejtuar qytetarëve të saj. Përmes një videomesazhi ajo i bën thirrje qytetarëve amerikanë që duan të kthehen në SHBA, që nesër do të jetë avioni i fundit, ndërsa i fton ata që të kontaktojnë pranë ambasadës.
“Jam ambasadorja Yuri Kim dhe kam një tjetër mesazh për qytetarët amerikanë në Shqipëri. Javën e kaluar ju thash se kishte vetëm një fluturim komercial në dispozicion. Sot, unë dua t’ju informoj se nuk ka asnjë fluturim komercial që niset nga Tirana. Ka pasur udhëtime me avionë charter dhe i fundit prej tyre, do të niset nesër, në 1 prill. Nëse dëshironi të jeni në atë avion, nëse nuk jeni përgatitur që të qëndroni në Shqipëri për një kohë të pacaktuar, ju lutem na kontaktoni menjëherë, në mënyrë që t’ju ndihmojmë. Shërbimi për qytetarët amerikanë është këtu për juve, që të sigurohet se ju jeni të sigurtë, të informuar dhe të shëndetshëm, dhe që në rast se dëshironi të ktheheni në Shtetet e Bashkuara të Amerikës sa më shpejt të jetë e mundur. Siguria juaj mbetet shqetësimi ynë kryesor. Prandaj, nëse mund t’ju ndihmojmë, ju lutemi që të na kontaktoni menjëherë, që ne të mund t’ju ndihmojmë sa jemi ende në kohë dhe kemi ende një mundësi. Faleminderit dhe qëndroni të mbrojtur!”, tha ambasadorja.
SCAN
Ambassador Kim has another important message for U.S. citizens in Albania.
🇺🇸 | Attention American citizens: tomorrow may be the last flight from Tirana! Contact us immediately: ACSTirana@state.gov 🇦🇱 | Vini re qytetarë amerikanë: nesër mund të jetë avioni i fundit që niset nga Tirana! Na kontaktoni menjëherë: ACSTirana@state.gov
Posted by U.S. Embassy-Tirana on Tuesday, March 31, 2020
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.