Amerika do të fillojë konkursin e këngës live në stilin e Eurovizion-it!
Reperi amerikan Snoop Dogg dhe këngëtarja Kelly Clarkson do të jenë prezantues të Konkursit të ri të Këngës Amerikane, të modeluar sipas Konkursit të Këngës së Eurovizionit ku do tw marrin pjesë artistë nga të 50 shtetet.
Konkursi do të përfshijë 56 këngëtarë, dyshe ose grupe – një nga çdo shtet, plus kryeqytetin Uashington, DC dhe pesë territore të SHBA – të cilët do të konkurrojnë për nderin e të pasurit këngën më të mirë të re origjinale të vendit.
Shfaqja televizive 8-javore do të shfaqet premierë më 21 mars në NBC, me finalen e madhe të planifikuar për 9 maj.
Eurovision Song Contest ka qenë një shtyllë në kalendarin e showbiz-it në Europë dhe më gjerë që kur filloi në 1956. Ngjarja e këtij viti do të zhvillohet në Torino, pasi grupi italian i rokut Måneskin fitoi në vitin 2021 me këngën e tyre Zitti E Buoni.
Fitorja e tyre u ndoq nga një audiencë mesatare televizive duke e bërë atë finalen më të shikuar që nga viti 2014. Lajmi për Konkursin e Këngës Amerikane vjen si pasojë e performancës së Snoop Dogg së bashku me Dr Dre, Eminem, Mary J Blige dhe Kendrick Lamar në shfaqjen e pjesës së parë të Super Bowl të së dielës. BBC
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.