Amerika shtyn kufizimet deri më 30 prill – Trump: Momenti më i vështirë do të jetë pas dy javësh!
Presidenti Donald Trump tha të Dielën se nivelimë kulmor i situatës në Shtetet e Bashkuara nga pandemia e koronavirusit ka të ngjarë të ndodhi pas dy javësh dhe zgjati udhëzimet e “distancimit shoqëror” deri më 30 prill. “Pashka do të jetë momenti kulminant,” tha Trump për festën e krishterë e cila bie në 12 Prill.
Trump iu drejtua gjithashtu deklaratave të një prej këshilltarëve të tij më të mirë mjekësorë, Anthony Fauci, i cili vlerësoi të Dielën se virusi mund të rezultojë në 100,000 deri në 200,000 vdekje në Shtetet e Bashkuara. Trump e karakterizoi atë si një “numër të tmerrshëm”, por tha se do të kishte qenë më keq pa urdhërat e bllokimit dhe përpjekjeve të tjera të marra deri më tani për të parandaluar përhapjen e virusit shumë infektiv.
“Potencialisht 2.2 milion njerëz nëse nuk bëjmë asgjë, nëse nuk do të bënim distancimin,” tha ai. “Nëse ne nuk do të bënim të gjitha gjërat që ne po bëjmë.” Trump tha se ai po zgjaste udhëzimet e qeverisë “distancimin shoqëror” të qeverisë deri më 30 prill për të “ngadalësuar përhapjen” e virusit.
Sipas një raporti nga Universiteti Johns Hopkins, ka gati 140,000 raste të konfirmuara virusi në Shtetet e Bashkuara dhe më shumë se 2,400 njerëz kanë vdekur. Johns Hopkins regjistroi një rekord 518 vdekje të reja të lidhura me koronavirus në 24 orët e kaluara, nga 453 të ditës së mëparshme.
Trump tha se ai pret që vendi “do të jetë në rrugën e rikuperimit” deri më 1 qershor, duke dryshuar objektivin e tij të mëparshëm të Pashkëve. (AFP)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.