Amerikanët po paguajnë më shumë për gjithçka. Në Kinë, problemi i inflacionit është shumë i ndryshëm!
Inflacioni i vazhdueshëm në Kinë ngushton dritaren kur Banka Popullore e Kinës mund të ulë normat e interesit dhe të mbështesë rritjen, thanë ekonomistët. Masat zyrtare të çmimeve të prodhimit dhe konsumit në Kinë u rritën në mars me më shumë se sa prisnin analistët, sipas të dhënave të publikuara të hënën. Ekspertët iu referuan raportit në fillim të këtij muaji që vuri në dukje se si norma standarde e depozitave 1-vjeçare e Kinës është vetëm pak mbi normën e rritjes së çmimeve të konsumit. Kjo zvogëlon vlerën relative të depozitave bankare kineze.
Në nivel ndërkombëtar, normat më të larta të interesit të SHBA-së ngushtojnë hendekun midis yield-it të thesarit 10-vjeçar të SHBA-së dhe homologut të tij kinez, duke reduktuar atraktivitetin relativ të obligacioneve kineze. Ulja e normave në Kinë do ta reduktonte më tej këtë hendek. Rendimenti i obligacioneve qeveritare 10-vjeçare të Kinës ra nën atë të SHBA-së për herë të parë në 12 vjet të hënën, sipas Reuters. Më parë, yield-i i obligacioneve kineze priret të tregtohej me një premi prej 100 deri në 200 pikë bazë ndaj SHBA-së.
Procesverbalet e mbledhjes së Fed-it të publikuara javën e kaluar treguan sesi politikëbërësit në përgjithësi ranë dakord të reduktonin zotërimet e obligacioneve të bankës qendrore, me gjasë duke filluar nga maji, me rreth dyfishin e normës para pandemisë. Të dhënat e çmimeve të konsumit në SHBA do të dalin brenda natës. Ai vuri në dukje se si investitorët kinezë presin gjithnjë e më shumë që PBOC të veprojë pas komenteve të qeverisë së nivelit të lartë këtë muaj. Kina do të rregullojë politikën monetare “kur është e përshtatshme” për të mbështetur rritjen, tha Kryeministri Li Keqiang në një takim javën e kaluar të Këshillit të Shtetit, organit më të lartë ekzekutiv.
Indeksi i çmimeve të prodhimit u rrit me 8.3% në mars, më i ngadalshëm se rritja prej 8.8% në shkurt dhe më e ulëta që nga prilli 2021, sipas të dhënave të Wind. Qymyri dhe produktet e naftës kontribuuan disa nga fitimet më të mëdha. Në kuadër të indeksit të çmimeve të konsumit, rritja më e madhe ishte tek karburantet e transportit, me rritje prej 24.1% nga viti në vit në muajin mars. Çmimi global i naftës është rritur që nga fillimi i luftës Rusi-Ukrainë në fund të shkurtit. Indeksi i çmimeve të konsumit të Kinës u rrit me 1.5% në mars, nga 0.9% në shkurt dhe më i shpejti që kur çmimet e konsumit u rritën me të njëjtin ritëm në dhjetor, treguan të dhënat e Wind. Një rënie e mprehtë, 41.4% nga viti në vit në çmimet e mishit të derrit vazhdoi të zvogëlojë inflacionin e ushqimeve. Çmimet e perimeve u rritën me 17.2%.
Yield-i i thesarit 10-vjeçar të SHBA-së u ngjit në nivelin më të lartë tre-vjeçar të premten dhe u rrit më tej gjatë natës të hënën në 2.793%, më i larti që nga janari 2019. Rendimenti i obligacioneve qeveritare 10-vjeçare të Kinës mbeti rreth 2.8075% të martën, sipas Wind Information.
Analistët e Citi presin që PBOC, që në këtë muaj, të mund të ulë të paktën një normë policore ose raportin e rezervës së detyruar, një masë e sasisë së parave të gatshme që bankat duhet të kenë në dorë. Ata thanë se vala e zgjatur e Omicron kërkon më shumë lehtësim monetar. Ata presin që indeksi i çmimeve të prodhimit të zbutet për shkak të bazës së lartë të vitit të kaluar për një rritje vjetore prej 5.6%, ndërsa indeksi i çmimeve të konsumit ka të ngjarë të rritet lehtësisht duke u rritur me 2.3% për vitin pasi çmimet e ushqimeve mbeten të ngritura. CNBC
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.