AMF takim me tregun e fondeve dhe përfaqësues të tregut të kapitaleve, Mete: “Të ngremë Komitetin për hartimin e strategjisë kombëtare”
Drejtori i Përgjithshëm Ekzekutiv i AMF-s ka vijuar turin e takimeve me drejtues dhe përfaqësues të shoqatave në tregjet e kapitalit, për të siguruar një mjedis sa më të sigurtë financiar dhe të mbrojtur nga goditjet e krizës së COVID-19.
Kësaj radhe takimi ishte me drejtues të shoqërive administruese të fondeve të investimit, pensioneve private vullnetare dhe përfaqësues të tregut të kapitaleve për të diskutuar mbi ecurinë e këtyre tregjeve dhe mundësitë për zhvillimin e mëtejshëm.
Gjatë takimit z.Mete ka bërë të ditur edhe kërkesën e tij për hartimin e një strategjie kombëtare për zhvillimin e tregjeve të kapitalit në Shqipëri, me pjesëmarrjen e Ministrisë së Financave, Bankës së Shqipërisë apo aktorëve të tjerë.
“Autoriteti është i gatshëm për ta avancuar këtë nismë, duke propozuar krijimin e një Komiteti për hartimin e strategjisë kombëtare” – u shpreh z. Mete.
Gjithashtu Drejtuesi i AMF ka bërë thirrje edhe për digjitalizimin si mjet për rritjen e efiçencës së tregjeve dhe reduktimit të burokracive.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.