AMF thirrje qytetarëve: ” Çdo qytetar që është i siguruar mund të marrë asistencë pranë Autoritetit të Mbikëqyrjes Financiare”
Tërmetet e ditëve të fundit, fatmirësisht nuk kanë shkaktuar dëme njerëzore, por dëme materiale po, madje në disa qytete të vendit. Pikërisht, nisur nga situata e ditëve të fundit, shkaktuar nga tërmeti i datës 21 shtator 2019, çdo qytetar mund të marrë asistencë pranë AMF-së për t’u informuar për përfitimet nga kontratat e sigurimit të pronës dhe banesave nga katastrofat natyrore si tërmetet, zjarri, përmbytjet, etj.
Për të gjithë ata që disponojnë një kontratë të tillë dhe kanë nevojë për informacione në lidhje me përfitimet nga kontrata, të drejtohen pranë shoqërive të sigurimit ku janë siguruar. Autoriteti i Mbikëqyrjes Financiare, informon të gjithë qytetarët se çdo shoqëri sigurimi ofron produkte për sigurimin vullnetar të pronës dhe banesave nga katastrofat natyrore si një mundësi e mirë për tu mbrojtur nga katastrofat natyrore.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.