Analistët hedhin alarmin për makinat elektrike: Investimet do të sjellin një ‘shkretëtirë’ fitimesh!
Shkretëtirë fitimesh! Kështu e përshkruan Alix Partners, një shoqëri konsulence, territorin në të cilin po na çon industria automobilistike. Kemi indikatorin e tretë që na bën ta besojmë këtë, në vetëm tre javë.
Pas Alix Partners, ‘Standard & Poor’ ka parashikuar që fitimet do të jenë negative, për shkak të investimeve të shumta.
Më pas ishte BMW, që ‘doli nga loja’ nga pamundësia totale e qytetarëve europianë për të përballuar një makinë elektrike. Me tre indikatorë, mund të arrijmë në një gjykim. Por, çfarë gjykimi?
Analistët i shohin me shqetësim disa indikatorë të sektorit. Faktori më i rëndësishëm është sasia impresionuese e parave që janë dhe do të investohen, nga tani deri në 2023, janë 225 milionë dollarë për elektrifizimin e vargut dhe 50 milionë dollarë të tjera për makinat automatike, sipas vlerësimeve të Alix Partners.
Në këtë pikë, duhet thënë se kompanitë duhet vazhdimisht të bëjnë investime, për të përmbushur mundësitë e reja të kërkesës që shtrihen përpara.
Tregu i parë në botë, Kina, e cila ka gjeneruar dy të tretat e rritjes në këtë dekadë, duket të jetë ‘duke tërhequr frenat’; po projekton një rënie me 8% këtë vit.
Shtetet e Bashkuara kanë hyrë në fazën e rënies, ndërsa Europa, për gjithçka që mund ‘të përpiqet’ të bëjë për tregun, nuk do të japë volumin e nevojshëm. Me pak fjalë, investime duhen bërë, por jo për të shitur më shumë makina.
Por atëherë, nëse jo nga tregu, nga vjenë kjo shtysë për të marrë impenjime? Kjo nga përpjekjet e qeverisë drejt elektrifizimit, që imponojnë limite dhe misione të pamundura për të ‘respektuar’ mjedisin, siç tashmë të gjithë e dinë – kufizime të shoqëruara me gjoba miliardere.
Çështja është se as shkencëtarët, as qeveritë nuk i njohin automobilistët, madje as prodhuesit e makinave, të cilët kanë ofruar produktin e duhur për klientët për më shumë se njëqind vjet.
Asnjë nga të lartpërmendurit nuk e di se çfarë duan dhe çfarë i konsiderojnë si të dobishëm apo të padobishëm automobilistët.
Çfarë ka ndryshuar në këtë pjesë të parë të shekullit? Politika për herë të parë, në Perëndim, bën zgjedhje që shkojnë përtej interesit dhe mundësive të ndërtuesve. Pastaj, asnjëherë më parë në nuk ka pasur një industri që ka vendosur sëbashku ide inovative me burime të mëdha financiare në mes.
Të ballafaquar me këto dy fenomene, krijuesit e makinave mund të kenë ndjerë presion. Me fjalë të tjera, është hera e parë që ata, ndërtuesit e makinave, nuk po diktojnë agjendën e zhvillimit.
Ne e dimë se vendosja nën presion nuk është kurrë një paralajmërim i zgjedhjeve të mira, veçanërisht për ata që nuk janë mësuar me të.
Cilido qoftë shkaku, është më e rëndësishme të kuptohet ndikimi që këto investime të mëdha me një treg të vogël dhe me fitime të ulëta do të kenë.
Një dobësim i përgjithshëm financiar i industrisë së automobilave, i cili tashmë ka dërguar një paralajmërim vitin e kaluar: një rënie prej 20% në fitime, të barabartë me 25 miliardë dollarë, i cili ka ardhur gjithashtu me një ulje të njëkohshme prej 44 mijë punonjësve.
Një industri financiarisht e dobët bëhet lehtësisht e ‘prekshme’ nga ata që synojnë të hyjnë në teknologjitë dhe tregjet e reja, siç janë prodhuesit kinezë. Prodhues, të cilët, në vitet e fundit kanë parë që impiantet e tyre përdoren rreth 75% më pak.
Nuk është e vështirë të supozohet se nga këndvështrimi i tyre mund të shfrytëzohet një kapacitet i tillë, kur ata kanë qasje në tregjet perëndimore me markat dhe rrjetet tashmë të konsoliduara.
Në përfundim, është e vërtetë që prodhuesit, pas më shumë se një shekulli të lëvizjes individuale të motorizuar, përveçse meritojnë besimi dhe respekti, kanë edhe ‘forcën’ për të përballuar këtë sfidë të re.
Sigurisht që strategjitë aktuale janë rezultat i analizave dhe vlerësimeve të sakta e të thella të bëra paraprakisht, megjithatë, ndoshta është vetëm rasti për të bërë ‘provë stresi’, për të kuptuar se situata është nën kontroll.
Burimi: Il sole 24 ore
Jenida Vladi/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.