Analiza e 6-mujorit të dytë të 2017, Ahmetaj: 14 mijë biznese të reja. Investimet shkojnë në 5 mld dollarë
Në 2017 janë hapur rreth 14 mijë biznese të reja. Kështu ka raportuar Ministri i Ekonomisë dhe Financave, Arben Ahmetaj, në analizën e gjashtëmujorit të dytë të 2017.
Sipas Ahmetajt, ky është numri i bizneseve neto të hapura pa marrë në konsideratë rreth 5 mijë biznese të mbyllura. Ndërsa referuar PPP-ve dhe investimeve, Ahmetaj u shpreh se, vlera e tyre do të shkojë në 5 miliardë dollarë.
Ministri i Financave është ndalur edhe në rritjen e të ardhurave tatimore, të cilat janë rritur me mbi 29 miliardë lekë, krahasuar me një vit më parë.
Por, sipas Ahmetajt vlen të theksohet se viti 2017 ka shënuar rritjen më të madhe ekonomike në 10 vitet e fundit, ndërkohë që prioritet i këtij mandati mbetet punësimi.
Për vitin që lamë pas, edhe eksportet kanë pësuar një rritje të konsiderueshme. Kështu, krahasuar me 2016 eksporte janë rritur me mbi 19%. Ndërkohë, që në gjashtë mujorin e dytë të 2017 rreth 9 projekte kanë përfituat statusin strategjik.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.