Analizë Bloomberg/ Nga derri tek pelenat. Ku po shfaqet Inflacioni?
Nga mishi i derrit në Kinë duke kaluar tek minerali i hekurit në Brazil, inflacioni po lëkundet në disa pjesë të ekonomisë globale.
Edhe pse rritja e përgjithshme e çmimeve mbetet kryesisht e moderuar, shfaqja e artikujve më të kushtueshëm do të inkurajojë ata që thonë se është vetëm një çështje kohe përpara se inflacioni të përshpejtohet për shkak të rritjes së fuqishme ekonomike dhe tregjeve të shtrënguara të punës.
Deri më tani faktor kyç mbeten çmimet e larta të lëndëve të para më shumë se sa rritja e kërkesës.
Ja cilat janë pikat më të ‘nxehta’ të momentit në lidhje me inflacioni nëpër botë
Inflacion i mbidozuar?
Çmimet e mishit kanë filluar të rriten. Kompani të ndryshme si McDonald Corp parashikojnë rritje të çmimeve të produkteve ushqimore në SHBA këtë vit, për pasojë të rritjes së kostos së proteinave (lidhur me gripin afrikan të derrave në Azi). Gjatë tremujorit të fundit, tarifat nëpër restorante kanë shfaqur një rritje të dukshme nëpër menu-të e tyre më rreth 2% në SHBA, deklaroi kompania McDonald. Dhe zinxhirët e tjerë të restoranteve si Brewhouse apo BJ’s restaurant Inc, presin një rritje të kostos së derrit, ndërsa firma kineze KFC, ka deklaruar se rritja e kostos së shpendëve do të rëndonte shumë mbi marzhin e pjesës së mbetur të vitit.
‘Shok-u’ i derrit
Ngjarjet në Kinë janë shkaku i rritjes së çmimit të derrit. Një ‘shpërthim’ i pashembullt i gripit afrikan të derrave ka ndikuar dëmshëm në furnizimin me mish derri. Me ri kthimin e rezervave të derrave në nivelet e vitit 2011, qeveria ka paralajmëruar se çmimet e mishit të derrit mund të rriten me 70%.
Minerali hekurit
Minerali i hekurit është riorganizuar pasi furnizimet ne Brazil dhe Australi u goditën nga ndërprerje të shumta, potencialisht duke vendosur bazat për çmimet e referente për të rritur fitimet deri në 100 dollarë për ton.
Mallrat e konsumit
Kompani e mëdha të pelenave për fëmijë si Procter&Gamble i Pampers dhe Kimberly-Clark Corp i Huggies, kanë ngritur çmimet e produkteve të tyre ashtu sikurse Coca Cola dhe Pepsi Co. Gjigantët e mallrave të konsumit të Europës Nestle SA dhe Unilever po tregtojnë gjithashtu shenja të reja jete duke shitur më shumë ushqime dhe produkte pastrimi me kosto më të lartë. Në muajin Prill, Danone SA parashikoi çmime më të larta të qumështit për këtë vit.
Nafta
Çmimet e naftës janë ulur që prej arritje së nivelit të tyre më të lartë gjatë muajit prill të këtij viti, por sidoqoftë shënojnë progresion në rritje me rreth një të tretën këtë vit dhe një sfond i paqëndrueshëm gjeopolitik nënkupton se perspektiva mbetet ende e pasigurt. Spekulimet se Arabia Saudite dhe prodhuesit e tjerë do të pompojnë më shumë për të kompensuar fuçitë e humbur iraniane ka ndihmuar në frenimin e rritjes së çmimeve. Megjithatë, ekonomistët thonë se kostoja e papërpunuar mbetet një çështje për t’u parë, veçanërisht për vendet që mbështeten në naftën e importuar.
Presione në zhvillim
Një pjesë e ekonomive në zhvillim po përjetojnë të gjitha inflacionin e lartë. Çmimet e konsumit të Turqisë u rritën 19.5% në prill nga një vit më parë, ndërsa ekonomistët parashikojnë inflacionin mesatarisht 40% në Argjentinë në 2019. Inflacioni i Iranit mund të jetë mesatarisht 50% këtë vit, më i larti që nga viti 1980, tha një zyrtar i lartë i Fondit Monetar Ndërkombëtar për Bloomberg News. Në krye të listës është Venezuela e përçarë nga grindjet, ku çmimet janë rritur në 8 milionë për qind këtë vit.
Burimi: Bloomberg
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.
Artikujt e fundit
