Analizë / Po tani ç’do të ndodhë me Sanders dhe mbështetësit e tij – Rrugëtimi i vështirë për t’u futur në histori

Vendimi i Bernie Sanders për t’i dhënë fund përpjekjes së tij për emërimin presidencial të Demokratëve në 2020 ishte i pashmangshëm. Ajo që do të ndodhë pas këtij vendimi me lëvizjen që ai nisi nuk është.

Ka shembuj të bollshëm në historinë amerikane të njerëzve që dështuan në aspiratat e tyre presidenciale, por arritën të ndërtojnë trashëgimi të mëdha dhe të gjata. A i bashkohet Sanders apo jo asaj liste varet në mënyrë kritike nga dy faktorë: njëri kryesisht nën kontrollin e tij, tjetri jashtë tij.

Faktori i parë është se si Sanders do të menaxhojë në mënyrë të efektshme ndërlikimet e politikës së vitit 2020. Në një humor të pakënaqur, Sanders mund t’u sinjalizojë përkrahësve të tij se ish Zëvendës Presidenti Joe Biden nuk është dhe aq i keq, në krahasim me alternativën e Donald Trump. Ama është gjë tjetër të argumentosh që një presidencë e Bidenit do të ishte e mirë, sidomos për të përparuar një axhendë progresive transformuese. Fjalët e forta të pro mbështetjes të Biden do të rridhnin më bindshëm nëse vet Sanders do t’i besonte ato!

Reputacioni afatgjatë i Sanders, megjithatë, do të varet edhe më shumë nga diçka që ai nuk mund ta diktojë: Çfarë do të ndodh me aktivistët e rinj që ai energjizoi me mënyrën e tij të çuditshme dhe axhendën social-demokrate?

“Shumë të rinj do të varen nga ajo që ai do të bëjë,” tha Hart në një intervistë nga izolimi në shtëpinë e tij malore në Kolorado.

Ai rekomandoi që Sanders të përkushtohet fuqishëm për të aktivizuar të rinjtë demokratë, të cilët sondazhet tregojnë se janë ndër më pak të entuziazmuarit për kandidaturën e Biden-it.

Hart, i cili në vitin 1984 mobilizoi një gjeneratë të re zgjedhësish edhe pse humbi nominimin, gjithashtu i kërkoi Sanders të pranojë që pandemia e koronavirusit ka ndryshuar politikën, duke i bërë të vjetra disa debate ideologjike. Ndoshta në janar ndryshimi midis progresivizmit të kujdesshëm të Biden dhe versionit radikal të Sanders ishte diçka që ia vlente të argumentohej, tani jo më.

Edhe një herë, një gjeneratë e përkrahësve të Sanders përballet me një mishërim modern të një dileme klasike: Si të ekuilibrosh dëshirën për pastërtinë ideologjike me realitetin praktik që shpesh nënkupton të punuarit me politikanë që nuk frymëzojnë dashuri.

Disa nga përkrahësit e Sanders janë “të majtët e viteve 60” ose pasardhësit e tyre ideologjikë që nuk do të bëjnë kërcimin tek Biden sepse ata nuk do të kenë fuqi për sa kohë që bëjnë kompromise.  Ama shumica e mbështetjes së Sanders për vitin 2020 erdhi nga të rinjtë idealistë që duan ta bëjnë shoqërinë më të ndershme. Nëse ata ia dalin të qëndrojnë në arenën politike, do të formojnë trashëgiminë e Sanders.

Në fund edhe Sanders vet e kuptoi se transformimi që ai kërkon, nëse ndodh, do të kërkojë shumë kohë, madje do të përfundojë nga dikush tjetër dhe jo ai vet.

Dosti Banushi – SCAN
Burimi: Politico

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.