Analizë / Si do të udhëtojmë në të ardhmen post-koronavirus?

Bota jonë e globalizuar ka ndalur prej koronavirusit.

Deri në prill, mbi 90% e popullsisë së botës – 7.1 miliardë njerëz – jetuan në vende që kishin ngritur politikat e karantinës dhe kishin vendosur kufizime për njerëzit që udhëtonin nga jashtë, zbuloi një studim i Pew.

Dhe ndërsa bllokimet lokale po fillojnë të lehtësohen në shumë vende, ndalimi për udhëtimet ndërkombëtare ka të ngjarë të zgjasë shumë më gjatë. Me vendet akoma të përqendruara në largimin e një vale të dytë të infeksioneve, ka pak oreks për rihapje të shpejtë.

Drejtorët në industrinë e aviacionit kanë thënë tashmë që ata presin që të kalojnë disa vjet para se kërkesa e pasagjerëve të kthehet në nivelet e vitit 2019.

Vendet që vepruan shpejt për ta sjellë sëmundjen nën kontroll – të paktën tani për tani – po eksplorojnë mënyra për të hapur një “flluskë” të kufizuar për qytetarët e tyre për të udhëtuar pa kufizime. Të parët që diskutuan idenë ishin Zelanda e Re dhe Australia.

Nëntë shtete të shpërndara nëpër botë, por të bashkuar në trajtimin e tyre të suksesshëm të virusit, po kërkojnë gjithashtu mënyrë aktive për të vendosur flluska udhëtimi.

Në takimin e tyre të dytë përmes telekonferencës, drejtuesit e Austrisë, Greqisë, Izraelit, Norvegjisë, Danimarkës, Republikës Czecheke, Singaporit, Australisë dhe Zelandës së Re ranë dakord që secila të fillojë të lehtësojë kufizimet, për të filluar të kapitalizojnë në nivele të ulëta të infeksionit duke krijuar turizëm me zona të sigurta.

Izraeli, Greqia dhe Qiproja – kombe të varura nga turistët – tashmë po diskutojnë idenë në Mesdheun Lindor dhe shpresojnë të hapen pjesërisht nga korriku. Komisioni Evropian pritet të rekomandojë një qasje tre-fazore për rihapjen e kufijve që bashkon vendet anëtare me “profile të ngjashme të përgjithshme të rrezikut”.

Dhe përtej këtyre flluskave, udhëtimi ka të ngjarë të kufizohet rëndë ose nga ndalimet, ose nga rregullat e karantinës.

Nëse karantinimi i detyruar për udhëtarët zbatohet në të dy vendet, e nisjes dhe të destinacionit, do të nënkuptojë një muaj në mbyllje, – duke i dhënë fund efektivisht shumicës së udhëtimeve të biznesit dhe turizmit.

Megjithatë, rihapja edhe e pjesshme dhe e kontrolluar e udhëtimit, sjell rreziqe. Periudha e gjatë e inkubacionit të sëmundjes do të thotë që informacionet më të azhurnuara mbi infeksionet aktuale nuk ekzistojnë; vendet që duken pa sëmundje mund të jenë të pazbuluara.

Opsione të tjera që përpiqen të rifillojnë udhëtimin përpara se të zhvillohet një vaksinë mund të përfshijnë teste pak para udhëtimit ose për antitrupa për të provuar imunitetin, ose për vetë sëmundjen për të parandaluar njerëzit e infektuar të udhëtojnë.

Në një kohë shqetësimi për ndikimin që industria e avionëve ka për klimën, ka sugjerime që disa nga ndalimet në udhëtim mund dhe duhet të bëhen të përhershme. Dhe disa biznese tashmë janë duke përqafuar këtë nisëm.

D.B – SCAN
Burimi: The Guardian

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.