Anglia do të heqë të gjithë rrjetin e 5G-së së Huawei: “Nuk garantojmë dot sigurinë”
Mbretëria e Bashkuar do të heqë plotësisht pajisjet e Huawei nga rrjeti i saj 5G deri në vitin 2027, njoftoi të martën qeveria e Boris Johnson.
Sekretari i Kulturës Oliver Dowden i tha parlamentit që Mbretëria e Bashkuar do të ndalojë blerjen e infrastrukturës së re 5G nga Huawei deri më 31 dhjetor 2020, me të gjitha pajisjet ekzistuese që do të hiqen deri në vitin 2027.
Dowden tha që Mbretëria e Bashkuar nuk mund të garantojë më sigurinë e marrëveshjes me Huawei dhe tha se sanksionet e fundit të SHBA-së mbi firmën kineze përfaqësonin “një ndryshim të rëndësishëm material” që nënkupton që Mbretëria e Bashkuar duhej të ndryshonte kursin.
Dowden të martën tha: “5G do të jetë transformues për vendin tonë, por vetëm nëse kemi besim në sigurinë dhe qëndrueshmërinë e infrastrukturës mbi të cilën është ndërtuar”.
Njoftimi i qeverisë në Mbretërinë e Bashkuar erdhi vetëm disa orë pasi Huawei njoftoi se kryetari i saj në Mbretërinë e Bashkuar Lord Brown ishte duke u larguar nga roli i tij më herët sesa pritej.
D.B – SCAN
Burimi: Business Insider
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.