Ankandi i diamantit me kriptovaluta / Sotheby’s do pranojë bitcoin për diamantin që pritet të arrijë 15 mln USD

Një diamant i rrallë në formë dardhe që pritet të arrijë 15 milionë dollarë, mund të blihet në një ankand në muajin e ardhshëm, duke përdorur kriptovaluta, sipas një lajmërimi të Sotheby’s.  Kompania theksoi se do të jetë hera e parë që një diamant i kësaj përmase të ofrohet për blerje publike me kriptovaluta. Asnjë objekt tjetër fizik me vlerë përpara shitjes kaq të lartë, nuk ka qenë ndonjëherë i disponueshëm për shitje me kriptovaluta, sipas kompanisë së ankandit.  Diamanti 101.38 karat, në formë dardhe, i quajtur “Çelsi 10138”, është një ndër vetëm 10 diamant me  mbi 100 karat, që shkon në ankand, ku vetëm 2 prej të cilëve ishin në formë dardhe.   Diamanti vlerësohet në 10-15 milionë dollarë dhe do të shitet më 9 Korrik në Hong Kong. Bitcoin apo Ethereum ,së bashku me paranë tradicionale, do të pranohen si pagesë.  “Kritpovaluta është diçka që shumë klientë na pyesin”- tha Quig Bruning, kreu i Depramantit të Stolive në Sotheby’s New York.

Kriptovalutat kanë pasur një vit të luahtshëm, me rritje shpërthyese  dhe përmbysje të ngjashme pasuese. Në Shtetet e Bashkuara, Komisioni Kombëtar Republikan në Kongres, theksoi javën e kaluar se do pranojë dhurime në kriptovaluta. El Salvadori u bë këtë muaj vendi i parë në botë që pranon Bitcoin si valutë me kurs ligjor.  Sotheby’s ka thënë se viti i kaluar ka patur kërkesë të fortë për diamantet e bardhë, stolitë dhe produkte të tjera luksoze, veçanërisht nga njerëz të rinj, përfshirë në Azi.

Klevis Llaha – SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.