Anketa e forcave të punës e INSTAT, Ahmetaj: Ulja e papunësisë është një tjetër lajm i mirë. Reformat po funksionojnë
Pas publikimit të Anketës së Forcave të Punës nga Instituti i Statistikave ka reaguar edhe ministri i Financave, Arben Ahmetaj.
Në një postim në rrjetin social “Facebook”, Ahmetaj shkruan se ulja e mëtejshme e papunësisë është një lajm tjetër i mirë, duke u shprehur më tej se kjo gjë ka ardhur pasi reformat po funksionojnë. “Ulja e mëtejshme e papunësisë është një lajm tjetër i mirë për qytetarët dhe për ekonominë. Në një vit, është ulur ndjeshëm papunësia nga 17.3% në tremujorin e katërt 2015, në 14.2% në fund të vitit 2016. Reformat po funksionojnë!”
Sipas ministrit një lajm tjetër i mirë është edhe ulja e papunësisë tek të rinjtë.
“Ka akoma kryefamiljarë, familjarë, të rinj e të reja që kanë nevojë për punë, e për këtë ne e dimë se përpjekja jonë nuk duhet të reshtë. Jemi të ndërgjegjshëm që ka akoma shumë për të bërë, jemi të ndërgjegjshëm që ka akoma shumë nevojë për punësim, jemi të ndërgjegjshëm që ka akoma shumë të papunë që kanë nevojë dhe të drejtë për një mundësi. Prandaj, ashtu siç këmbëngulim për reformën në drejtësi, po ashtu do të vazhdojmë të këmbëngulim për zgjerimin e punësimit. Ata që sot janë rikthyer në vendin e krimit për të penguar reformën në drejtësi, janë aty dhe kundër punësimit të qytetarëve. Reforma në drejtësi dhe rritja e punësimit nuk janë dhe nuk mund të jenë kurrë të ndara”, shkruan Ahmetaj në FB.
Ulja e mëtejshme e papunësisë është një lajm tjetër i mirë për qytetarët dhe për ekonominë. Në një vit, është ulur…
Posted by Arben Ahmetaj on Friday, March 10, 2017
Osman Dedja/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.