Anketa e Forcave të Punës, Rama: Rënia e papunësisë, lajm i mirë. 220 mijë të punësuar më shumë se 3-mujori i parë i 2014
Pas anketës tremujore të forcave të punës të publikuar nga INSTAT, ka reaguar në rrjetin social Facebook, kryeministri Rama, ku deklaroi se rënia e papunësisë në tremujorin e tretë të 2017 është një lajm i mirë. Sipas Ramës, janë rreth 220 mijë të punësuar më shumë se 3-mujori i parë 2014.
“Me lajmin e mirë që vijon rritja e punësimit dhe rënia e vazhdueshme e papunësisë duke shënuar për 3-mujorin e tretë 2017 rreth 220 mijë të punësuar më shumë se 3-mujori i parë 2014, ju uroj një ditë të mbarë”, shkruan Rama.
Në tremujorin e tretë 2017, shkalla e punësimit për popullsinë 15-64 vjeç është 57,7 %. Gjatë këtij tremujori, në terma vjetorë punësimi për popullsinë 15 vjeç e lart shfaq tendencë në rritje, krahasuar me të njëjtin tremujor të vitit 2016, pra punësimi u rrit me 1,9 %.
Sipas raporti të INSTAT, në terma tremujorë, krahasuar me tremujorin e dytë të vitit 2017, punësimi pësoi një rritje prej 1,4 %.
os.de/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.