Antitrupi që neutralizon COVID-19 – Mjekja Kolovani: Zbulim i rëndësishëm për trajtimin, në aspekt afatgjatë duhet vaksina
Zbulimi i një antitrupi që mund të neutralizojë COVID-19 duket se do të jetë mënyra më e shpejtë në aspektin afatshkurtër për të fituar betejën me këtë infeksion. Mjekja e Spitalit Infektiv, në Qendrën Spitalorë Universitare “Nënë Tereza” Entela Kolovani shpjegon për TV SCAN zbulimin më të fundit të Universitetit të Utrecht mbi antitrupin 47D11 dhe mënyrën sesi funksionon trajtimi i pacientëve në rast se të gjitha provat rezultojnë të suksesshme.
Megjithatë, sipas mjekes në aspektin afatgjatë për mbrojtjen nga SarsCov2 do të nevojitet zbulimi i vaksinës.
Doktoreshë Kolovani flet edhe për lehtësimin e masave në vendin tonë, duke rekomanduar vigjilencë maksimale nga secili prej nesh. Po ashtu, në kushtet e hapjes së bareve e restoranteve, doktoresha rekomandon shmangien e qëndrimeve të gjata.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.