Anulohet lundrimi Durrës-Bari për shkak të motit të keq– APD informon për vijueshmërinë e udhëtimeve
Autoriteti Portual i Durrësit njofton pasagjerët që kanë rezervuar lundrimin nga Porti i Durrësit drejt Portit të Barit, me tragetin “AF MARINA” (Adria Ferries) se është anuluar lundrimi për datë 4 nëntor, për shkak të motit të keq që pritet të përfshijë krahun tjetër të Adriatikut.
Sipas njoftimit trageti “AF MARINA”, do të rinisë linjën ditën e premte, datë 5.11.2021 sipas grafikut normal të lundrimit.
APD informon se trageti “Rigel VII” i linjës Durrës-Bari, do të vijojë normalisht lundrimin mbrëmjen e sotme. Janë marrë masa që në këto tragete të mund të akomodohen edhe ata pasagjerë apo mjete që preken nga anulimi i “AF Marina”.
Sipas informacionit në përputhje me detyrimet ligjore për të drejtat e pasagjerëve, kompania Adria Ferries njofton se pasagjerëve dhe mjeteve të cilët preken nga anulimi, do t’u rimbursohet bileta 100%, ose do t’i shtyhet për një nisje tjetër, sipas dëshirës.
Për më shumë detaje, mund të informoheni në faqen zyrtare: https://www.durresport.al/tragetetsot.php
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.