Aparati i parë i dëgjimit për iPhone – Përmes Nucleus 7 mund të dëgjosh muzikën e celularit tënd

Njerëzit që përdorin aparatet e dëgjimit së shpejti do të jenë në gjendje të dëgjojnë muzikë apo të marrin telefonata pa përdorur një telefon dhe këtë gjë do ta mundësojë “Apple”.

“Apple” është duke punuar me prodhuesin e pajisjeve mjekësore “Cochlear Limited” për të zhvilluar teknologjinë kalimit të zërit në aparatet e dëgjimit.

Pajisja do te quhet “Cochlear Nucleus 7”.  Në vitet e fundit, “Apple” ka punuar me krijuesit e pajisjeve të tjera mjekësorë si “GN ReSound” për të krijuar pajisje dëgjimi. Tani ka më shume se 50 aparate dëgjimi që punojnë me “iPhone”.

Për shumë njerëz ende ka pengesa në aparatet e dëgjimit, por me ardhjen e teknologjisë së lartë, synohet që të zvogëlohen disa nga streset për këto njerëz që përdorin këto aparate.

Ka 360 milion njerëz që kanë humbje të dëgjimit në të gjithë botën dhe 32 milionë prej tyre janë fëmijë, sipas Organizatës Botërore të Shëndetësisë.

Aparatet e dëgjimit dhe impiantet kokleare janë të ndryshëm. Impiantet kokleare janë për ato njerëz që kanë humbje të rënda dhe të thella të dëgjimit. Aparatet e dëgjimit përforcojnë zërin, ndërsa një impiant koklear stimulon nervin e dëgjimit.

Apple do t’i mundësojë përdoruesit të ndryshojë volumin e aparatit të dëgjimit ose të kontrollojë gjendjen e baterisë, kjo mund të bëhet përmes ISO pa një aplikacion të veçantë kështu raporton CNN.

Pajisja e re pritet të dalë fillimisht në Shtetet e Bashkuara dhe Kanada në Shtator. Kostoja e pajisjes ende nuk është bërë e ditur.

Ylber Shehu/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.