Apel bizneseve të mëdha – Veliaj: Kompanitë që kanë në punë mbi 20 nëna, të hapin çerdhe dhe kopsht
Kryebashkiaku Erion Veliaj u ka bërë apel biznesve të mëdha që kanë të punësuar mbi 20 nëna që t’i bashkohen nismës për hapjen e një çerdheje dhe kopshti, duke qenë se kërkesat në publik janë tejet të larta.
“Puna jone eshte e pamjaftueshme nese nuk na mbeshtet biznesi privat. Cdo kompani qe ka 20 nena te konsideroje hapjen e nje kopshti dhe nje cerdheje”, u shpreh Veliaj.
Veliaj tha investimet e reja të kopshteve dhe shkollave në po shtrihen në periferi, në mënyrë që të ofrohet shërbim cilësor në të gjithë Tiranën.
“Nuk mjafton, jemi vetem në fillim, por po zgjerojme sherbimet ne periferi me shkolla kopshte, nuk ka arsye qe te dyndemi ne tirane 3 fish me shume kerkesa ne kopshte”, tha kryebashkiaku.
Veliaj vizitoi godinën e rikonstruktuar të kopshtit në Fikas, i cili u dëmtua nga tërmeti i 26 Nëntorit 2019.
Elisabeta Dosku / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.