Aplikacionet Android po ‘mbledhin’ të dhënat tuaja edhe pasi ju u thoni atyre të mos e bëjnë

Kur ju mohoni lejen e një aplikacioni celular për të mbledhur të dhëna personale nga telefoni juaj, duhet që ajo të jetë në përputhje me këtë. Por një studim i ri i aplikacioneve Android zbuloi se nuk është gjithmonë rasti.

Mijëra aplikacione të njohura nga Dyqani i Google Play janë në gjendje të anashkalojnë lejet për mbledhjen e të dhënave të përdoruesve, sipas qendrës kërkimore me qëllim fitimi, International Institute of Computer Science, partnerë me Universitetin e Kalifornisë, Berkeley.

Aplikacionet kanë gjetur “kanale anësore” ose “kanale të fshehta” të tilla si marrja e të dhënave nga aplikacionet që kanë këto leje, potencialisht që prekin qindra miliona përdorues Android.

Studiuesit gjetën rreth 60 aplikacione Android, të cilat janë shkarkuar miliona herë, tashmë e bëjnë këtë.

Hulumtuesit kontaktuan Google për atë që gjetën, dhe kompania thotë se çështjet do të adresohen në përditësimin e ardhshëm të madh të Android, i quajtur Android Q, që pritet më vonë këtë vit.

Ky problem kërkon një zgjidhje të shpejtë pasi këto aplikacione mund të kenë akses jo vetëm mbi rrjetet sociale por mbi gjithë telefonin tuaj përfshirë foto, numra dhe çdo e dhënë tjetër e mundshme deri te kartat e jashtme të memories.

Nebi Xhomaqi / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.