Aplikimi në ZRPP, procedura dhe dokumentet për të verifikuar një çështje pronësie

Nëse keni një çështje të hapur për aplikimin e dërguar në ZRPP, mund të kryeni verifikimet në portalin “e-Albania”. Ky shërbim elektronik u vjen në ndihmë qytetarëve që të kontrollojnë statusin e çështjes së hapur, për aplikimin e dërguar.

“Shërbimi “Gjurmimi i çështjeve të Zyrës së Regjistrimit të Pasurive të Paluajtshme” u mundëson qytetarëve të kontrollojnë online statusin e aplikimit që kanë dërguar drejt ZRPP. Pasi dërgon aplikimin për një shërbim të caktuar drejt ZRPP, qytetari merr në përgjigje një numër reference, aplikimi i cili identifikon kërkesën e tij drejtuar institucionit. Nëpërmjet këtij numri, qytetari mund të gjurmojë se në cilin hap procesimi ndodhet kërkesa e tij në ZRPP”, thuhet në njoftimin e “e-Albania”

Dokumentacioni i nevojshëm

Dokument identifikimi i përdoruesit – kartë identiteti ose pasaportë biometrike (i nevojshëm për t’u loguar në portalin e-Albania)

Hapat e procedurës

– Identifikohuni si qytetar ose si biznes në portal
– Zgjidhni shërbimin ” Gjurmimi i çështjeve të Zyrës së Regjistrimit të Pasurive të Paluajtshme”
– Klikoni butonin” Përdor”
– Në formën që hapet vendosni numrin referencë të aplikimit dhe shtypni butonin “Gjurmo…” për të parë detajet e aplikimit

Sipas portalit “e-Albania” shërbimi mund të merret menjëherë dhe përfitohet pa pagesë.

Osman Dedja/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.