Apple do të lançojë 3 iPhone me pajtueshmërinë 5G në 2020, sipas një vëzhguesi të besueshëm të kompanisë
Apple do të nisë tre modele të iPhone me mbështetje 5G në 2020, sipas një njoftimi të përditësuar nga analisti Ming-Chi Kuo i cituar nga MacRumors.
Apple fillimisht pritej të lançonte dy iPhone të rrjetit 5G vitin e ardhshëm. Një telefon i tretë, më i vogël nuk pritej të kishte mbështetje 5G. Por sipas rishikimeve pritet që të 3 modelet të kenë versionin e përditësuar të rrjetit të internetit.
Firma tani ka kapacitet më të mirë për të zhvilluar teknologjinë 5G pasi bleu shumicën e biznesit të Intel në një marrëveshje prej 1 miliard dollarësh.
Rrjeti i përditësuar i jep mundësi Apple-it të jetë më konkurrues ndaj smartfonëve të tjerë me kapacitet 5G.
Telefonat e rinj do të kenë përmirësime në sistemin hardware dhe mund të integrojnë Touch ID në ekran për herë të parë dhe do të kenë një kamera 3D të përditësuar.
Nebi Xhomaqi / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.