Apple drejt lançimit të një ‘karte krediti’ në gusht

Një partneritet i kartës së kreditit midis Goldman Sachs dhe Apple, është planifikuar të nisë në dy javët e para të gushtit.

Apple po trajton ballafaqimin e produktit softuer me përdoruesit dhe Goldman Sachs po trajton shërbimet financiare që përdor produkti.

Për Apple, karta e kreditit është një tjetër shërbim online që do të ndihmojë mbajtjen e përdoruesve aktualë të iPhone në lidhje me produktet e Apple. Dhe për Goldman Sachs, është produkti më i lartë në një shtytje në rritje të konsumatorëve për bankën e investimeve.

Karta Apple është dizajnuar të qëndrojë jashtë kartave të tjera të kreditit duke ofruar një ndërfaqe të sofistikuar softuerësh për të gjetur bilancin dhe blerjet.

Ajo gjithashtu ka disa karakteristika miqësore me konsumatorët që i inkurajon përdoruesit për të shmangur borxhin ose për ta paguar shpejt, gjë që ka bërë që disa njerëz në financë të besojnë se do të jetë e vështirë për bankat të bëjnë para për produktin.

Përdoruesit mund të regjistrohen për kartën në versionin më të fundit të softuerit iPhone, iOS 12.4 por integrimi i portofolit të Apple Card punon edhe me iOS 13, i cili është planifikuar të lançohet këtë vjeshtë së bashku me iPhone të rinj.

Nebi Xhomaqi / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.