Apple fiton më shumë se Microsoft nga lojërat – Sektori pritet të mbledhë një fitim prej 200 miliardë dollarë në 2022

Apple, është klasifikuar e treta në listën e shoqërive të kuotuara në bursë me më shumë fitime nga lojërat.

Në vitin 2021 fitimet e Apple shënonin shifrën 15.3 miliard dollarë, një rritje prej 17.7% në bazë vjetore, ndërkohë që në të njëjtën periudhë Microsoft ka mbledhur 12.9 miliard dollarë fitime nga lojërat.

Kolosi teknologjik kinez Tencent Holdings Limited dhe gjiganti japonez i elektronikës së konsumit Sony Group Corporation kanë marrë respektivisht vendin e parë dhe të dytë. Tencent ka shtuar të ardhurat me 9.9% ndërsa Soni me 2.3%.

Pozicioni i fortë në treg i Apple në sektorin e lojërave cilësohet si dicka befasuese nga analistët pasi kompania nuk prodhon lojëra apo videolojëra. Në muajin shtator të vitit 2019, Apple hodhi në treg një shërbim abonimi për lojëra të quajtur: Apple Arcade. Bëhet fjalë për iniciativën më të madhe të ndërmarrë nga shoqëria në sektorin e lojërave. Nëpërmjet këtij shërbimi Cupertino ofron një grumbullim lojërash për celularë, përfshirë Arcade origjinal, klasikët dhe të preferuarit e App Store. Abonimi kushton 4.99 dollarë në muaj, dhe lojërat e disponueshme me anë të këtij shërbimi, që nuk do të ketë ndërprerje reklamash mund të shkarkohen nëpërmjet aplikacionit.

Apple arkëton një komision prej 30% për të gjitha blerjet përmes aplikacionit të bëra në App Store; në vitin 2021, të ardhurat nga lojërat për celular u rritën me 12.5.

Nga pikëpamja e fitimit, pozicioni i Apple në tregun e lojërave është i lakmueshëm: Sipas Visual Capitalist, Apple fitoi 2 miliard dollarë më shumë të ardhura nga lojërat në 2019 sesa të ardhurat e kombinuara operative të Nintendo Company Limited, Microsoft, Sony dhe Activision Blizzard.

Ky rezultat është i lehtë për t’u kuptuar: ndryshe nga zhvilluesit e lojërave, të cilët duhet të fusin duart në portofolet e tyre për të krijuar lojëra, shumë nga ato që Apple fiton nga komisionet e App Store shkojnë drejtpërdrejt tek “fitimet”.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.