Apple gjithnjë e më mediatike

Apple po bëhet gjithnjë e më mediatike, pasi për seksionin “News” ka punësuar si drejtoreshë Laura Kern, gazetaren e New York Magazine dhe ish gazetaren e New York Times.

Lajmi u dha nga Politico e më pas u publikua në media të ndryshme, mes të cilave dhe CNN.

“Jam i lumtur për Laura Kern, është një mundësi e madhe për të sjellë forcën e gazetarisë në një detyrë që më duket mjaft premtuese”, ka thënë Adam Moss, drejtori i New York Magazine. Një zëdhënës i Apple ka konfirmuar lajmin pa shtuar asgjë më shumë, shkruan Insajderi.

Apple News është një aplikacion për pajisjet telefonike që dolën në verën e 2015, duke sjellë histori dhe lajme nga media të ndryshme, me të cilat ka partneritet, ku janë CNN, The New York Times dhe BuzzFeed.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.