Apple, molla “e pandaluar” e pandemisë! Rekord shitjesh me 111 miliardë dollarë në 3 muaj
Përpos pandemisë, njerëzit nuk kanë ndaluar së bleri produktet e Apple. Në 3 mujorin e fundit të vitit 2020, shitjet arritën në më shumë se 111 miliardë dollar, 21% më shumë se për të njëjtën periudhë të vitit paraardhës.
Të qëndruarit më shumë në shtëpi, si përsa i përket aktiviteteve të kohës së lirë ashtu edhe punës, duket se ka nxitur kërkesën për teknologji të re. Sipas të dhënave, Apple tani numëron më shumë se 1.65 miliardë pajisje aktive në mbarë botën, duke përfshirë këtu më shumë se 1 miliardë aparate celularë iPhone.
Fitimet e Apple pasojnë nxjerrjen në treg të modelit të ri të iPhone 12, për të cilin drejtuesit e kompanisë janë shprehur se kanë bindur një numër rekord njerëzish ta azhurnojnë nga modeli i vjetër. Apple tha se shitjet janë rritur në mënyrë të veçantë në Kinë; ndihmuar pjesërisht nga kërkesa për telefona të “pajtueshëm” me rrjetin 5G.
Burimi origjinal: BBC
Përshtati në shqip: SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.