”Apple” prezanton modelin e ri të iPad në katër madhësi të ndryshme – Ja cilat janë çmimet!

Apple Inc, hodhi në treg të hënën, iPad Air 10.5-inç. Kjo ishte një ‘lëvizje surprizë’ nga kompania, e cila deklaroi se në 25 Mars do e zhvendosë fokusin e saj tek shërbimet, veçanërisht tek televizori dhe videot.   Apple ka bërë njoftime për përmirësime lidhur me linjat e saj të produktit, tek shërbimet, pasi janë raportuar rëniet e para në shitjet e iPhone, gjatë janarit.

Modelet e reja të iPad, të adaptuara me çipin më të fundit A12 Bionic të Apple dhe mbështetjen për Apple Pencil dhe Smart Keyboard, tashmë janë të disponueshme për porosi në apple.com dhe në dyqanin Apple Store në Shtetet e Bashkuara dhe Mbretërinë e Bashkuar.

”10.5-inch iPad Air, fillon me 499 dollarë për modelin 64GB WiFi dhe 629 dollarë për modelin WiFi plus. Mini iPad i ri fillon me 399 dollarë për modelin WiFi dhe 529 dollarë për modelin WiFi plus,” – deklaroi kreu i Apple.

Ky iPad i ri do të vijë në katër madhësi të ndryshme të ekranit, duke filluar nga 7.9 inç në 12.9 Në shtatorin e vitit 2018, Apple bëri rreth 19 miliardë dollarë të ardhura nga shitjet e iPad, një pjesë shumë e vogël krahasuar me gati 167 miliardë dollarë të gjeneruara nga shitja e iPhone-ve.

Elefteria Zguri/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.