Arabia arreston princët – Ndër ta edhe miliarderi Bin Talal, fuqizohet kontrolli i princit trashëgimtar

Mbreti i Arabisë Saudite ka caktuar 2 ministra të ri në postet kryesore ekonomik dhe të sigurisë, duke hequr disa prej anëtarëve më të rëndësishëm të familjes mbretërore dhe duke i dhënë më shumë fuqi princit trashëgimtar.

Mbreti lajmëroi gjithashtu krijimin e një komisioni anti-korrupsion, të drejtuar nga princi, Mohammed bin Salman, që sipas mediave lokale ka arrestuar 11 princa, 4 ministra dhe 10 ish-ministra.

Riorganizimi i kabinetit solli zëvendësimin e ministrit të Gardës Kombëtare, princin Miteb bin Abdullah si dhe Ministrin e Ekonomisë, Adel Fakieh.

Një ndër personat e arrestuar ishte edhe princi miliarder Alëaleed bin Talal, që  zotëron firmën e investimeve “Kingdom Holding” dhe që është gjithashtu investitorë në firma amerikane si Apple, Citigroup dhe Tëitter.

Kjo lëvizje fuqizon kontrollin e princit trashëgimtar Mohammed mbi institucionet e sigurisë, që janë mbajtur prej kohësh nga anëtarë të tjerë të fuqishëm të familjes mbretërore.

Ai ka qenë përgjegjës në drejtimin e luftës së Arabisë Saudite në Yemen,  drejtimin e politikave mbi energjinë që kanë patur ndikime globale si dhe për ndërtimin e një të ardhme për Mbretërinë që nuk mbështetet plotësisht te nafta.

Spastrimi vjen në një kohë të reformave në Arabinë Saudite dhe nisjen e një oferte publike fillestare për gjigantin shtetëror të natës, Saudi Aramco, vitin që vjen.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.